HAQEEQAT- E- HUSAN (ALAMA IQBAL)  

Khuda Se Husn Ne Ik Rooz Yeh Sawal Kiaa
Jahan Me Q Na Mujhe Tou Ne Lazawal Kiaa

Milla Jawab K Tasveer-E-Khana Hay Duniya
Shab-E-Daraz Adam Ka Fasana Hay Duniya

Howi Hay Rang-E-Tagayur Se Jab Namood Iski
Wohi Haseen Hay Haqeeqat Zawaal Hay Jiski

Kahin Qareeb Tha, Yeh Guftogo Qamar Ne Suni
Falak Pe Aam Howi, Akhtar-E-Sehar Ney Suni

Sehar Ne Tare Se Sun Ker Sunaii Shabnam Ko
Falak Kii Baat Bata Dii Zameen Ki Mehram Ko

Bhar Aaey Phool Key Aansu Payam-E-Shabnam Se
Kalli Ka Nan'na Saa Dill Khoon Hogaya Gham Se

Chaman Se Roota Howa Mosam-E-Bahar Gaya
Shabab Saair Ko Ayya Tha, Sogawaar Gaya